Акрамя агульнага аб’ёму продажаў, уражлівым апынуўся попыт на аўтамабілі на новых крыніцах энергіі — больш за 1850 адзінак. Пры гэтым іх доля ўпэўнена падбіраецца да 50%.

Сярод «зялёных аўтамабіляў» фаварытам застаўся Geely EX2, на які прыйшлося больш за 850 здзелак. Усяго ж за апошнія тры месяцы гэтую мадэль выбралі звыш 2000 пакупнікоў. Высокім была цікавасць і да Geely EX5 — больш за 410 прададзеных электракараў у маі. Сярод гібрыдных мадэляў выбіралі BELGEE X80 PHEV — звыш 610 аўтамабіляў за месяц. 

«Продажы аўтамабіляў беларускай вытворчасці імкліва растуць з пачатку года. Прычым у апошнія месяцы мы бачым велізарны попыт на электрамабілі і гібрыдныя мадэлі. Іх доля ў структуры продажаў ужо склала 45%. Пакупнікоў прыцягваюць тэхналагічнасць, бяспека і даступнасць. Мы натхнёныя тым, як змяняецца рынак і якія перспектывы адкрывае перад краінай трэнд на экалогію і інавацыі», — адзначылі ў СЗАТ «БелДжы».

Рост попыту на заводзе звязваюць таксама з цэнавай палітыкай, у тым ліку даступнай коштам Geely EX2 і BELGEE X80 PHEV. Вялікую ролю адыгрываюць і фінансавыя праграмы: авансавы плацёж ад 25% на BELGEE X80 PHEV і льготная стаўка па крэдыце 0,95% на працягу 12 месяцаў на электрамабілі Geely.