Сёння ў сваім трэцім паядынку папярэдняй групы А беларусы разграмілі каманду Гватэмалы з лікам 12:3. 

Беларусы мелі істотную перавагу і не пакінулі сапернікам ніводнага шанцу на поспех. У першым перыядзе пачатак разгрому паклалі Алег Гапон і Анатоль Рабко. Пасля першага перапынку галявы дубль аформіў лепшы снайпер ЧС-2024 Ігар Брыштэль, свой другі мяч забіў Анатоль Рабко, яшчэ па разе вызначыліся Вадзім Бокач і галкіпер Уладзімір Усціновіч. У трэцім перыядзе Ігар Брыштэль і Анатоль Рабко забілі яшчэ па два мячы, а Вадзім Бокач аформіў дубль. Сапернікам удалося тройчы паразіць вароты нашай каманды.

У дзвюх стартавых сустрэчах падапечныя Карласа Альварада атрымалі перамогі над камандамі Сейшэльскіх астравоў і Японіі з аднолькавым вынікам 6:3. Зборная Гватэмалы спачатку прайграла японцам (2:6), а затым адолела Сейшэлы (4:3). У другім сённяшнім матчы гэтага квартэта каманда Японіі згуляе з гаспадарамі сусветнага першынства. 

Становішча каманд перад апошняй сустрэчай: Беларусь — 9 ачкоў (3 матчы), Гватэмала — 3 (3), Японія — 3 (2), Сейшэлы — 0 (2). Беларусы з першага месца выйшлі ў чвэрцьфінал. 

Там іх чакае сустрэча з другой камандай квартэта В, дзе заключныя сустрэчы пройдуць сёння: Парагвай — Маўрытанія, Іран — Партугалія. Там становішча пасля двух гульнявых дзён такое: Партугалія — 6 ачкоў, Іран — 6, Парагвай — 0, Маўрытанія.