У спаборніцтвах па фіджытал-баскетболе ў казахстанскай сталіцы нашу краіну прадставіць «Мінск», у спаборніцтвах па фіджытал-шутэры выступіць каманда Minsk House, а Даніл Чарапко пазмагаецца за ўзнагароды ў турніры па фіджытал-танцах. У ходзе арганізацыі і правядзення кваліфікацыйных спаборніцтваў Беларуская федэрацыя фіджытал-спорту атрымала падтрымку ад Прэзідэнцкага спартыўнага клуба.

«Гульні Будучыні» пройдуць з 29 ліпеня па 9 жніўня. Чакаецца, што ў спаборніцтвах у сталіцы Казахстана прымуць удзел больш за 900 прадстаўнікоў з 50 краін планеты, а агульны прызавы фонд складзе 4,75 мільёна долараў. Мультыспартыўны форум у Астане стане трэцім па ліку. Першыя «Гульні Будучыні» прайшлі ў 2024 годзе ў Казані, а год таму іх прымала сталіца Аб’яднаных Арабскіх Эміратаў у Абу-Дабі.