Спаборніцтвы праходзяць у горадзе Кстова Ніжагародскай вобласці. У першы дзень турніру да фіналаў у сваіх вагавых катэгорыях дайшлі трое прадстаўнікоў Беларусі, кожны з іх у выніку стаў уладальнікам залатога медаля. Анфіса Капаева (да 50 кг) перамагла мясцовую спартсменку Маргарыту Барневу, Марыя Кандрацьева (больш за 80 кг) была мацнейшая за Алесю Ткачэнка са Свярдлоўскай вобласці, а Уладзіслаў Саяпін (да 71 кг) справіўся з самарцам Яраславам Шатохіным.

Акрамя таго, бронзавыя ўзнагароды мемарыяла Бурдзікава заваявалі нашы Паліна Граматнёва (да 72 кг), Валерыя Хрушчова (больш за 80 кг) і Сяргей Лясяк (больш за 98 кг). На другі і заключны дзень турніру, 4 жніўня, самбісты разыграюць медалі ў сямі вагавых катэгорыях.