З 25 кастрычніка адкрываецца новы рэгулярны напрамак палётаў — рэйс Мінск — Бангкок, які дапаможа азнаёміцца з рытмам жыцця сталіцы Тайланда. Акрамя таго, вяртаецца шэраг напрамкаў. З 27 кастрычніка аднаўляюцца палёты на Шры-Ланку па маршруце Мінск — Матала з частатой адзін раз на тыдзень. З 29 кастрычніка будуць выконвацца рэгулярныя рэйсы Мінск — Пхукет двойчы на тыдзень. З 30 кастрычніка аднаўляюцца рэйсы ў аэрапорт Маскоўскага рэгіёна (Мінск — Жукоўскі).

Карэкціруецца расклад рэйсаў Мінск — Батумі — з 17 лістапада «Белавія» пераходзіць на дзённыя рэйсы, лятаць будзе двойчы на тыдзень.

«Што датычыцца чартарных праграм, з Мінска прадаўжаем лятаць у Хургаду і Шарм-эль-Шэйх, выконваем палёты на в’етнамскі востраў Фукуок», — дадалі ў авіякампаніі.

Падрабязнасці пра рэйсы і расклад можна паглядзець на сайце «Белавія».