Лічбавізацыя айчыннай аховы здароўя працягвае развівацца, адкрываючы грамадзянам новыя магчымасці. У развіццё маштабнай работы па павышэнні даступнасці лекавага забеспячэння запушчаны чарговы этап развіцця першай дзяржаўнай інтэрнэт-аптэкі.

На дом можна замовіць безрэцэптурныя лекавыя сродкі, уключаныя ў пералік Міністэрства аховы здароўя, тавары для прыгажосці, здароўя і догляду, якія патрабуюць тэмпературнага рэжыму захоўвання не ніжэй за плюс 15 градусаў.

Дастаўка на дом рэцэптурных прэпаратаў па-ранейшаму заканадаўча не дапускаецца — іх можна забраніраваць на сайце і забраць у аптэцы. Таксама сэрвісам не дастаўляюцца спіртазмяшчальныя лекавыя сродкі з аб’ёмнай доляй этылавага спірту звыш 25%.

Пры адсутнасці доступу да інтэрнэту або неабходнасці атрымаць прафесійную дапамогу аформіць заказ і атрымаць кансультацыю спецыяліста можна па адзіным нумары 169.