«Паводле апошніх даных назіранняў, верхні слой глебы ўвільготнены добра. На гэтым тыдні чаканыя ападкі павялічаць запасы глебавай вільгаці. Умовы для правядзення палявых сельскагаспадарчых работ будуць складвацца не лепшым чынам. З-за прагназаваных замаразкаў захоўваецца пагроза пашкоджання выкапаных і пакінутых без укрыцця караняплодаў. У азімых збожжавых культур на плошчах, засеяных да 10 верасня, месцамі па поўдні краіны — да сярэдзіны месяца, ідзе кушчэнне, на пазнейшых пасевах адзначаюцца ўсходы і трэці ліст, утварэнне вузлавых каранёў. Візуальныя ацэнкі стану пасеваў добрыя», — расказалі ў Белгідрамеце.

Паводле прагнозаў аграметэаролагаў, у сувязі з паніжэннем тэмпературы паветра развіццё азімых збожжавых культур запаволіцца.