Праект пастановы прадугледжвае ўвядзенне Беларуссю ў аднабаковым парадку ў гандлі з трэцімі краінамі часовай меры нетарыфнага рэгулявання, якая абмяжоўвае вываз з краіны рэгенерыруемых паперы або кардону (макулатуры і адходаў) тэрмінам на шэсць месяцаў шляхам выдачы ліцэнзіі ў адпаведнасці з падпунктам 1.5 пункта 1 указа ад 5 красавіка 2016 года нумар 124 «Аб дзяржаўным рэгуляванні знешнегандлёвай дзейнасці».

Паводле інфармацыі ад арганізатара абмеркавання, ліцэнзаванне экспарту макулатурнай сыравіны будзе садзейнічаць: змяншэнню адтоку сыравіннага рэсурсу з краіны, павелічэнню аб’ёмаў выпуску імпартазамяшчальнай прадукцыі на ўнутраным рынку, эфектыўнай рэалізацыі імпартазамяшчальнай прадукцыі, як на ўнутраным, так і на знешнім рынках ва ўмовах эканамічных санкцый і канкурэнцыі, у першую чаргу з расійскімі вытворцамі аналагічнай папяровай прадукцыі. 

Ліцэнзаванне будзе ажыццяўляцца Міністэрствам антыманапольнага рэгулявання і гандлю Беларусі.

Арганізатар грамадскага абмеркавання — Беларускі вытворча-гандлёвы канцэрн лясной, дрэваапрацоўчай і цэлюлозна-папяровай прамысловасці.

Свае заўвагі і прапановы можна выказаць у спецыяльнай тэме на прававым форуме Беларусі з 25 сакавіка па 4 красавіка 2026 года ўключна.