Ён адзначыў, што вытворчасць інсуліну на прадпрыемстве пачалася даволі даўно. Некалі на «Белмедпрэпаратах» нават выпускалі свіны інсулін. Затым перайшлі на выпуск чалавечага інсуліну з дацкай субстанцыі.

«З мінулага года мы маем магчымасць вырабляць такія прэпараты ў картрыджах. Гэтыя картрыджы выкарыстоўваюцца ў шпрыц-ручках. Акрамя таго, у супрацоўніцтве з расійскай кампаніяй мы вывелі аналаг інсуліну — інсулін аспарт. У планах работа над іншымі аналагамі інсуліну. Інсулінавыя аналагі — гэта наша будучыня, таму гэту лінейку мы будзем пашыраць», — сказаў Сяргей Марчанка.