«Шэраг нашых банкаў ставяць гэтае пытанне ў фокус сваёй увагі, шмат і фінансаў, і рэсурсаў накіроўваюць на пытанні лічбавай трансфармацыі ў цэлым і ўкараненне штучнага інтэлекту ў работу. Гэта не штучны працэс, не ізаляваны IT-праект — тая ініцыятыва, якая наўпрост уплывае на эфектыўнасць дзейнасці», — адзначыў Раман Галоўчанка. 

Паводле яго слоў, вынікі не бываюць імгненнымі, паколькі адбываюцца вельмі складаныя працэсы. «Прыемна тое, што большасць нашых банкаў ідуць уласным шляхам, укладваюцца ў распрацоўкі, маюць свае каманды распрацоўшчыкаў. Гэта значыць, мы арыентаваны не на чужыя скрынкавыя рашэнні, а на распрацоўку ўласных устойлівых мадэляў штучнага інтэлекту, іх укараненне, навучанне, развіццё. У аснову ставім практычны эфект і яго ацэнку ў кантэксце якасці паслуг, што аказваюцца банкам», — дадаў старшыня праўлення Нацыянальнага банка.

Для банкаў, з аднаго боку, укараненне ШІ — магчымасць эканоміі на аперацыйных выдатках, кастамізацыя сваіх прадуктаў пад канкрэтных кліентаў, паляпшэнне эканамічных паказчыкаў. Гэта эканомія чалавечых рэсурсаў. 

«З улікам таго, што ў нас дастаткова кампактная краіна, мяркую, што лепшыя рашэнні, якія банкамі напрацаваны кожным у сваёй сферы, будуць натуральным чынам перацякаць у нашай банкаўскай супольнасці ад адной арганізацыі да іншай», — звярнуў увагу Раман Галоўчанка.