З 22 сакавіка мяняюцца тарыфы на паслугі па перасылцы простай пісьмовай карэспандэнцыі (паштовай карткі, пісьма, бандэролі) па тэрыторыі Беларусі. Гэта прадугледжана пастановай Міністэрства антыманапольнага рэгулявання і гандлю ад 10 сакавіка 2026 года нумар 19, паведамілі БелТА ў РУП «Белпошта».
Цяпер перасылка простай паштовай карткі, простага пісьма (бандэролі) масай да 20 г для фізічных асоб будзе каштаваць 1,04 рубля з улікам ПДВ, за кожныя наступныя 20 г — 0,08 рубля з улікам ПДВ.
