Асноўную долю ў перапрацоўчай прамысловасці займае харчовая. У гэтай сферы ў 2025 годзе працавалі 156,6 тыс. чалавек (гэта 4,4 % ад колькасці працуючых у краіне людзей). Іх сярэдні ўзрост — 41,9 года. Пра гэта паведамляецца ў статыстычным аглядзе да Дня работнікаў сельскай гаспадаркі і перапрацоўчай прамысловасці АПК, які ў 2026 годзе адзначаецца 15 лістапада, паведаміў Нацыянальны статыстычны камітэт, піша SB.by.
Намінальная налічаная сярэднямесячная заработная плата работнікаў харчовай прамысловасці за студзень — верасень 2026 года склала 3077,3, што на 12,9 % вышэй за ўзровень аналагічнага перыяду мінулага года.
У гэтай сферы працуе большасць мужчын — 51,3 %, а жанчын — 48,7 %. 31,5 % маюць прафесійна-тэхнічную адукацыю, 52,9 % — вышэйшую і сярэднюю спецыяльную, 15,6 % — агульную сярэднюю і агульную базавую.
Доля харчовай прамысловасці ў агульным аб’ёме прамысловай вытворчасці ўстанавілася на адзнацы 27,8 %. У студзені — верасні 2026 года было выраблена прадукцыі на 46,2 млрд, што на 4,3 % больш, чым за такі ж перыяд мінулага года. Так, у Мінску было выраблена 5,5 % ад агульнай колькасці, у Мінскай вобласці — 23,3 %, у Віцебскай — 8,4 %, у Магілёўскай — 8,1, у Гомельскай — 9,5 %, у Брэсцкай — 28 %, у Гродзенскай — 17,2 %.
