У міліцыю з заявай аб махлярстве звярнуўся 36-гадовы дырэктар кампаніі. Ён расказаў, што яе спецыфіка работы прадугледжвае зносіны з фізічнымі і юрыдычнымі асобамі па электроннай пошце. 

«Адзін з супрацоўнікаў, праглядаючы паведамленні на электроннай пошце, адкрыў шкоднасны файл, які ўтрымліваўся ў паступіўшым электронным лісце і быў замаскіраваны пад рабочую праграму. Пасля гэтага шкоднаснае праграмнае забеспячэнне зашыфравала ўсю наяўную на серверы кампаніі інфармацыю і файлы, абмежаваўшы супрацоўнікам доступ да іх», — раказалі ва УУС.

На рабочым стале аказаўся толькі адзін чытаны файл. У тэкставым дакуменце было патрабаванне аб пераводзе больш як Br30 тыс. за расшыфроўку камп’ютарнай інфармацыі. 

Следчыя распачалі крымінальную справу паводле ч. 2 арт. 208 (вымаганне) КК.