Міліцыяй устаноўлена, што фігуранты збіралі сродкі на лячэнне цяжкахворага дзіцяці. Падпісчыкам за 10 рублёў прысвойвалі нумары ўдзельнікаў розыгрышу, прызамі ў якім былі смартфоны або аўтамабіль. Арганізатары заяўлялі, што толькі малая частка атрыманых грошай будзе накіравана на куплю падарункаў, а ўсю астатнюю суму перададуць на лячэнне хлопчыка. З сабраных 1,5 мільёна рублёў, са слоў фігурантаў, толькі 200 тысяч аддалі маці дзіцяці, 315 тысяч патрацілі на падарункі для ўдзельнікаў стрыма.

Астатняя сума (каля мільёна рублёў) патрачана на «прыгожае жыццё»: паездкі ў прэміяльныя туры на Мальдывы і ў ААЭ, арэнду элітнага жылля, азартныя гульні і іншыя забаўкі.
Па словах начальніка АБЭЗ Кастрычніцкага РУУС Гродна Алега Ярашэні, следчымі распачата крымінальная справа за махлярства ў асабліва буйным памеры. Затрыманым пагражае да 12 гадоў пазбаўлення волі.