«На 1 кастрычніка 2025 года ў Беларусі зарэгістравана больш за 41 тыс. электрамабіляў. За 2025 год прагназуецца агульны рост на 25 тыс.адзінак. Гэта істотны паказчык — каля чвэрці ўсяго аўтамабільнага рынку краіны, што нават некалькі вышэй сярэднесусветных паказчыкаў. Існуюць краіны-драйверы дадзенага кірунку. Сярод іх Кітай, дзе доля продажаў электрамабіляў ужо вышэй за 56%», — адзначыў Юрый Грыгарэнка.

Паводле яго слоў, у Беларусі працягвае надавацца істотная ўвага развіццю электратранспарту. У краіне прыняты план мер па дасягненні 300 тыс. электрамабіляў праз пяць гадоў. «Гэта 10% трафіку, у адпаведнасці з якім рост спажывання электратранспарту да 2030 года можа скласці каля 1,5 млрд кВт.ч», — падкрэсліў эксперт.

Важным момантам для дасягнення такіх паказчыкаў з’яўляецца зніжэнне кошту на электрамабілі, лічыць Юрый Грыгарэнка. «Усё больш прыватных і дзяржаўных кампаній выбіраюць электратранспарт для сваёй дзейнасці. У зараднай сетцы «Маланка» каля 35% долі водпуску паслуг прыпадае ўжо на юрыдычных асоб, — дадаў ён. — Сярод напрамкаў, якія дазволяць нам дасягнуць 300 тыс. адзінак да 2030 года, можна вылучыць захаванне ўсіх бягучых ільгот і адпаведны рост інвестыцый у развіццё зараднай інфраструктуры. Толькі ў ходзе рэалізацыі дзяржпраграмы па развіцці дзяржаўнай зараднай сеткі мы плануем павялічыць устаноўленую магутнасць зараднай інфраструктуры ў сем разоў — з 42 МВт да 310 МВт да канца 2030 года.