У рэгіёне за мінулыя выхадныя зарэгістравана 46 фактаў ДТЗ без пацярпелых, дзе транспартныя сродкі атрымалі механічныя пашкоджанні. Выяўлена больш за 1,1 тыс. парушэнняў з боку ўдзельнікаў дарожнага руху. Так, затрыманы 25 нецвярозых вадзіцеляў, спынены 52 факты кіравання транспартнымі сродкамі бяспраўнікамі, 90 вадзіцеляў грэбавалі правіламі перавозкі непаўналетніх пасажыраў. Выяўлена 120 фактаў, калі не выкарыстоўваліся рамяні бяспекі.

Да адміністрацыйнай адказнасці за выкарыстанне тэлефона падчас руху прыцягнуты 39 вадзіцеляў. Што да матацыклістаў, да адміністрацыйнай адказнасці прыцягнуты 21 чалавек, пры гэтым чацвёра не мелі права на кіраванне. Чатыры адзінкі мотатранспарту змешчаны на ахоўную стаянку. 

Акрамя таго, прыцягнуты да адміністрацыйнай адказнасці больш як 220 уразлівых удзельнікаў дарожнага руху (пешаходы, веласіпедысты, асобы, якія выкарыстоўваюць СПМ), з якіх 51 чалавек знаходзіўся ў нецвярозым стане. Звыш 50 не былі абазначаны святлоадбівальнымі элементамі.