Летась упершыню ў беларускіх санаторыях аздаравілася больш за паўтара мільёна чалавек, заявіў на прэс-канферэнцыі намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай.
«Гэта 1 мільён 568 тысяч чалавек», — удакладніў Цай.
Ён таксама зазначыў, што рэкордныя лічбы і па замежных грамадзянах. Так, летась у здраўніцах Беларусі прайшлі лячэнне і аздараўленне больш за 246 тысяч замежнікаў.
Пры гэтым Цай звярнуў увагу, што ў 2024-м годзе Рэспубліканскі цэнтр па аздараўленні і санаторна-курортным лячэнні насельніцтва выдзеліў каля 252 мільёнаў рублёў, што дазволіла атрымаць бясплатныя і патанненыя пуцёўкі больш як 807 тысячам чалавек. Па словах Цая, акцэнт робіцца на аздараўленне дзяцей, больш за 70% сродкаў было выдзелена менавіта на дзіцячае насельніцтва.
Акрамя гэтага, удалося дасягнуць пэўных рэкордаў у выручцы.
«Упершыню выручка ад рэалізацыі лячэбна-аздараўленчых паслуг у здраўніцах перавысіла 1 мільярд 260 мільёнаў рублёў. Выручка ад самастойнай рэалізацыі перавысіла 1 мільярд рублёў і выручка ад экспарту лячэбна-аздараўленчых паслуг перавысіла 400 мільёнаў рублёў», — сказаў Цай.
