Акцыя пройдзе ў Беларусі з 15 снежня 2025 года па 14 студзеня 2026 года. «Вышэйшымі службовымі асобамі дзяржавы, кіраўнікамі рэспубліканскіх органаў дзяржкіравання, дзяржаўных і іншых арганізацый, грамадскіх аб’яднанняў, удзельнікамі грамадзянскай супольнасці запланавана наведванне больш як 150 устаноў, сярод якіх дзіцячыя інтэрнатныя ўстановы, арганізацыі аховы здароўя, Цэнтры карэкцыйна-развіваючага навучання і рэабілітацыі, установы адукацыі, дзіцячыя дамы сямейнага тыпу. Сёлета па традыцыі плануецца ахапіць акцыяй больш за 1 млн нашых дзяцей», — распавёў Віктар Доўнар. 

У гэтым годзе старт акцыі «Нашы дзеці» будзе праходзіць у Гомелі, галоўнай пляцоўкай краіны стане Гомельскі палацава-паркавы ансамбль. «Адкрыццё Рэспубліканскай акцыі пройдзе ў выглядзе тэлемоста з усімі абласцямі нашай краіны. На сувязі з Гомелем будуць усе рэгіянальныя лакацыі, дзе будуць вітаць удзельнікаў гэтай акцыі вышэйшыя службовыя асобы аблвыканкамаў, будуць прадстаўлены творчыя нумары. Далей гэтая акцыя пойдзе па ўсёй краіне», — дадаў ён.