«Штогод БРСМ праводзіць рэспубліканскую дабрачынную акцыю „Мы выбіраем дапамогу пажылым людзям“, якая накіравана на аказанне дапамогі адзінокім і адзінока пражываючым грамадзянам пажылога ўзросту, ветэранам вайны і працы, асобам, якія пацярпелі ад наступстваў войнаў, і ўключае некалькі састаўных частак, што сістэматызуюць увесь комплекс работ валанцёраў. Адна з іх — „Эстафета дабра“ — правядзенне мерапрыемстваў па прыбіранні снегу прыдамавых тэрыторый у перыяд снегападаў», — расказала Святлана Паўленіна.

Паводле яе слоў, у гэтым годзе акцыя пашырыла спектр сваёй дзейнасці ў сувязі з тым, што тэрыторыя Беларусі аказалася ў зоне актыўных атмасферных франтоў ад цыклону «Улі». «Безумоўна, у першую чаргу валанцёры адпраўляліся на дапамогу пажылым людзям, аднак таксама яны актыўна ўключыліся ў прыбіранне снегу і на вуліцах населеных пунктаў, аказваючы пасільную дапамогу камунальным службам. Па ўсёй краіне 11 346 валанцёрамі руху БРСМ „Добрае сэрца“ было арганізавана 1872 працоўныя дэсанты», — сказала Святлана Паўленіна.

Пры кожным тэрытарыяльным камітэце саюза моладзі працуюць гарачыя тэлефонныя лініі па прыёме зваротаў аб аказанні дапамогі ў рамках «Эстафеты дабра». Нумары тэлефонаў размешчаны на інтэрнэт-партале «Моладзь Беларусі» і ў сацыяльных сетках.