З усіх пацыентаў, якія звярнуліся ва ўстановы аховы здароўя з галалёднымі траўмамі альбо пераахаладжэннямі, 587 дзяцей. Больш за ўсё пацярпелых ад падзення падчас галалёду — 2852 дарослыя і 580 дзяцей. Пры гэтым 87 дарослых і 222 дзіцяці атрымалі траўмы пры катанні на цюбінгах, лядзянках, санках і г. д.

У Брэсцкай вобласці звярнуліся па медыцынскую дапамогу 335 чалавек. Халадовая траўма дыягнаставана ў 41 пацыента, галалёдная — у 294 пацярпелых. У бальніцы шпіталізаваны 92 пацыенты.

У Віцебскай вобласці зарэгістраваныя 647 пацыентаў. Халадовая траўма дыягнаставана ў 32, галалёдныя — у 615 пацярпелых. Шпіталізаваныя 93 чалавекі. У Гомельскай вобласці зарэгістраваныя 570 пацыентаў. Халадовыя траўмы дыягнаставаны ў 40, галалёдныя — у 530 пацярпелых. Шпіталізаваныя 72 чалавекі. У Гродзенскай вобласці зарэгістраваныя 405 пацыентаў. Халадовыя траўмы дыягнаставаны ў 31 пацыента, галалёдныя — у 374. У бальніцы трапілі 90 чалавек.

У Мінскай вобласці — 564 пацярпелыя. Халадовыя траўмы дыягнаставаны ў 50 пацыентаў, галалёдныя — у 514. Шпіталізаваныя 84 пацыенты. У Магілёўскай вобласці — 708 пацярпелых. Халадовыя траўмы дыягнаставаны ў 49 пацыентаў, галалёдныя — у 659 пацярпелых. Шпіталізаваныя 146 чалавек. 

У Мінску ж зарэгістравалі 452 пацярпелых. Халадовыя траўмы дыягнаставаны ў 6 пацыентаў, галалёдныя — у 446 пацярпелых. У бальніцы трапілі 45 чалавек.

Міністэрства аховы здароўя нагадвае, што варта быць уважлівымі, выходзячы на вуліцу, і правільна апранацца, а таксама адмовіцца зімой ад высокіх абцасаў. «Вучыце дзяцей выконваць правілы бяспекі на горках. Калі ўсё ж траўмы пазбегнуць не ўдалося — звярніцеся ў бліжэйшы траўмапункт», — дадалі ў ведамстве.