У рамках падрыхтоўкі да неспрыяльных умоў надвор’я, звязаных са снегападамі і галалёдзіцай, прадпрыемствамі ЖКГ у першую чаргу правяраецца тэхніка, праводзіцца неабходны рамонт, планавая замена вузлоў і расходных матэрыялаў, праверка неабходнага навяснога абсталявання.

«У Мінскай вобласці гатовы выйсці на дарогі 474 адзінкі спецтэхнікі, у тым ліку 102 раскідальнікі пяску для барацьбы з галалёдзіцай, 234 снегаўборачныя машыны для расчысткі дарог і тратуараў, 72 пагрузчыкі і 66 самазвалаў, якія будуць задзейнічаны, у тым ліку, для вывазу снегу. На складах створаны запасы з больш чым 30 тыс. тон пясчана-салянай сумесі. Работа ў гэтым кірунку працягваецца», — паведамілі ў ДА «ЖКГ Мінскай вобласці».