«Падыходзіць да завяршэння 2026 год. Гэта першы год у рамках Праграмы сацыяльна-эканамічнага развіцця Беларусі на 2026-2030 гады. Тыя лічбы, якія ёсць за дзевяць месяцаў, кажуць пра тое, што вобласць працавала ў станоўчай дынаміцы па ўсіх асноўных ключавых паказчыках. Гэта і аб’ём прамысловай вытворчасці, і будаўніча-мантажныя работы, і аб’ём рознічнага тавараабароту грамадскага харчавання, інвестыцыі ў асноўны капітал. Усе знешнія гандлёвыя аперацыі праведзены з прыростам. Што датычыцца валавага рэгіянальнага прадукту, мы выйшлі на ўзровень папярэдняга года і забяспечылі станоўчую дынаміку росту. Дадзеныя паказчыкі мы захаваем і па выніках 2026 года. Я думаю, што па асобных паказчыках, такіх як інвестыцыі, нам удасца прырасці. Гэта сёння, на маю думку, ключавы фактар развіцця рэгіёна», — адзначыла Анжаліка Нікіціна. 

Яна паведаміла, на сённяшні дзень у вобласці рэалізуецца больш за 300 інвестыцыйных праектаў у розных сферах эканомікі. «У гэтым годзе мы плануем завяршыць яшчэ 77. Ужо завершана парадку 53. Гэта сведчыць аб паступальным росце. Вобласць не першы год завяршае з прыростам інвестыцый у асноўны капітал і з перавыкананнем задання па дадзеным паказчыку. Фактычна ўсё інвестыцыйнае развіццё вызначана па ўсіх рэгіёнах Віцебскай вобласці, зыходзячы з іх кампетэнцыі. Гэта развіццё турыстычнай сферы, пра якую нядаўна гаварылі пры наведванні Віцебскай вобласці Прэзідэнтам Рэспублікі Беларусь. Гэта праекты ў дрэваапрацоўцы, традыцыйнай для нас фармгаліны, станкамашынабудавання», — расказала Анжаліка Нікіціна. 

Намеснік старшыні аблвыканкама дадала, што забяспечаны паступальны рост як рэальнай, так і намінальнай заработнай платы. «Па паказчыку паступленняў у бюджэт, па тэмпах росту перавысілі сярэднерэспубліканскі ўзровень. Гэта кажа, у першую чаргу, аб эфектыўнай рабоце эканомікі», — сказала Анжаліка Нікіціна. 

У завяршэнне яна падкрэсліла, у рэгіёна ёсць пэўныя рэзервы ў асобных галінах прамысловасці, на прадпрыемствах, якія сёння могуць працаваць як па экспартных пастаўках, як па імпартазамяшчэнні. Сёння на Віцебшчыне вырабляецца больш за 200 відаў імпартазамяшчальнай прадукцыі. У частцы праграмы імпартазамяшчэння працуе каля 100 прадпрыемстваў.

«Мы вырабляем інавацыйную прадукцыю, і па гэтым паказчыку вобласць знаходзіцца на лідзіруючых пазіцыях у краіне. Ёсць да чаго імкнуцца. Наша асноўная задача — сфарміраваць стратэгію развіцця кожнага прадпрыемства на 2027 год, інвестыцыйны партфель, прадугледзеўшы тыя нарматыўна прававыя акты, якія дзейнічаюць па Віцебскай вобласці, у тым ліку нядаўна прыняты ўказ № 216 па развіцці Паазер’я, крэдытныя прадукты, якія працуюць у рамках рэгіянальнай ініцыятывы», — удакладніла Анжаліка Нікіціна.