Як адзначаецца, стыхія можа бушаваць яшчэ цягам некалькіх тыдняў.

Раней была інфармацыя, што ахвярай лясных пажараў у штаце Вікторыя ўжо стаў адзін чалавек. Акрамя таго, сотні людзей засталіся без даху над галавой. Федэральны ўрад Аўстраліі і ўрад штата Вікторыя сумесна выдзелілі фінансавую дапамогу ў памеры 19,5 млн аўстралійскіх даляраў (каля $13 млн) для дапамогі пацярпелым.

Паводле інфармацыі выдання, у выніку лясных пажараў па ўсёй Вікторыі знішчана не менш за 119 будынкаў, згарэла больш за 300 тыс. га лясных масіваў. Дзяржава працягвае змагацца з пажарамі.

Таксама паведамляецца, што днём у суботу па ўсім штаце было зафіксавана 67 непатушаных пажараў, 10 з іх працягвалі бескантрольна распаўсюджвацца.