У арандаванай кватэры і зробленых мужчынам закладках выяўлена і канфіскавана больш за 16 кг мефедрона і звыш 21 кг альфа-PVP. Затрыманы прызнаўся, што прыехаў у Мінск спецыяльна для арганізацыі збыту наркотыкаў на тэрыторыі Беларусі. Малады чалавек забіраў у іншага кур’ера пасылкі з Еўрасаюза з аптовымі партыямі «тавару», фасаваў яго і пакідаў у схованках. 

Таксама аператыўнікі затрымалі менчука і дваіх жыхароў пастаў, якія павінны былі рабіць закладкі з разавымі дозамі. Дзякуючы цеснаму ўзаемадзеянню праваахоўнікаў дзвюх краін у Расіі ліквідаваная наркалабараторыя. Яе арганізавалі трое замежнікаў. Канфіскавана абсталяванне, прэкурсоры аб’ёмам 150 л, а таксама 7 кг мефедрону і больш за 2 кг альфа-PVP. 

Распачатыя крымінальныя справы. Аператыўна-вышуковыя мерапрыемствы працягваюцца.

Праваахоўнікі нагадваюць, што супрацоўнікі аналітычнай разведкі з выкарыстаннем найноўшых тэхналогій паспяхова выяўляюць лічбавыя сляды ў Інтэрнэце, у тым ліку ў яго ценявым сегменце. Як вынік, з пачатку года на тэрыторыі Рэспублікі спынена дзейнасць 22 Інтэрнэт-наркамаркетаў, перакрыта 24 каналы паступлення забароненых рэчываў. За збыт дурману затрыманыя больш за 500 чалавек.