Беларусь у бязвізавым парадку з пачатку года наведалі больш за 47 тыс. жыхароў еўрапейскіх краін. Пра гэта паведаміла БелТА са спасылкай на звесткі Дзяржаўнага пагранічнага камітэта.
З 1 студзеня 2026 года ў Беларусь прыбылі 47 368 замежных грамадзян з 38 еўрапейскіх краін.
З пачатку дзеяння бязвізу Беларусь наведалі 1 305 555 жыхароў Еўропы. З Латвіі прыбылі 418 020 замежнікаў, з Літвы — 679 540, з Польшчы — 142 162. У рамках пашыранага бязвізу для 35 еўрапейскіх дзяржаў з 19 ліпеня 2024 года ў Беларусь заехалі 65 833 чалавекі.
У ДПК нагадалі, што бязвізавы ўезд для грамадзян 38 еўрапейскіх краін дзейнічае да 31 снежня 2026 года ўключна.
