За мінулыя выхадныя ў вобласці зарэгістравана 57 фактаў ДТЗ без пацярпелых, дзе транспарт атрымаў механічныя пашкоджанні.

Супрацоўнікі абласной ДАІ выявілі больш за 1,2 тыс. парушэнняў з боку ўдзельнікаў дарожнага руху. Затрымана дзевяць нецвярозых вадзіцеляў, спынены 61 факт кіравання транспартам асобамі, якія не маюць права кіравання, 83 вадзіцелі грэбавалі правіламі бяспечнай перавозкі непаўналетніх пасажыраў, выяўлена 94 факты невыкарыстання рамянёў бяспекі, 28 вадзіцеляў прыцягнуты да адміністрацыйнай адказнасці за выкарыстанне тэлефона падчас руху. Таксама 145 матацыклістаў прыцягнутыя да адказнасці, з якіх 15 не мелі права на кіраванне, 10 адзінак мотатранспарту змешчана на ахоўную стаянку.

Акрамя таго, больш за 230 уразлівых удзельнікаў дарожнага руху (пешаходы, веласіпедысты, асобы, якія выкарыстоўваюць СПМ) прыцягнуты да адміністрацыйнай адказнасці, з якіх 43 знаходзіліся ў нецвярозым стане і былі выдаленыя з праезнай часткі, яшчэ 48 не былі пазначаныя святлоадбівальнымі элементамі.