У Беларусі 22 красавіка завяршылася рэгістрацыя абітурыентаў на цэнтралізаванае тэсціраванне. «Усяго для праходжання ЦТ зарэгістраваліся 66 287 чалавек, летась такіх было 60 626. У рамках ЦТ будзе напісана амаль 97,5 тыс. чалавека-тэстаў», — праінфармаваў Дзмітрый Міронаў. 

Дырэктар РІКВ нагадаў, што цэнтралізаваны экзамен сёлета будуць пісаць больш за 59,1 тыс. выпускнікоў 11-х класаў (летась — амаль 57 тыс.), а гэта амаль 118,2 тыс. чалавека-тэстаў. 

ЦЭ і ЦТ пройдуць у адзіныя тэрміны для выпускнікоў 2026 года, выпускнікоў мінулых гадоў і выпускнікоў каледжаў. Так, 26 мая адбудзецца ЦЭ па прадмеце на выбар для 11-класнікаў і ЦТ па прадмеце на выбар для выпускнікоў мінулых гадоў і выпускнікоў каледжаў. ЦЭ па беларускай або рускай мове для 11-класнікаў і ЦТ па беларускай або рускай мове для выпускнікоў мінулых гадоў і выпускнікоў каледжаў пройдуць 29 мая. Таксама 2 і 5 чэрвеня адбудзецца ЦТ па прадмеце на выбар для ўсіх абітурыентаў. Рэзервовымі днямі для ЦТ вызначаны 18, 20, 22 чэрвеня. Рэзервовыя дні для ЦЭ — 20, 22 чэрвеня, іншыя тэрміны - 17, 19 жніўня.