Плануецца да канца года колькасць зарадных станцый наблізіць да 3 тыс. На працягу наступных пяці гадоў колькасць зарадных комплексаў будзе даведзена да 16 тыс.

Новым напрамкам развіцця электратранспарту стане электрыфікацыя прыгарадных маршрутаў Мінска. Так, прынятай урадам пастановай прадугледжана ўстаноўка 21 зараднай станцыі для забеспячэння электратранспартам гарадоў-спадарожнікаў, з іх 11 — у Смалявічах, 9 — у Мінску, 1 — у в. Першамай Дзяржынскага раёна.

Намеснік міністра энергетыкі Канстанцін Аношанка адзначыў, што развіццё электратранспарту — адзін з перспектыўных напрамкаў для павелічэння электраспажывання ў краіне з улікам работы Беларускай АЭС.

Да пашырэння зараднай сеткі актыўна падключаюцца таксама прыватныя інвестары, ствараючы зарадныя комплексы, у тым ліку ў жылых раёнах.