«Паводле аператыўных звестак на 17 кастрычніка, з палёў краіны намалочана 9 млн 705 тыс. т збожжа разам з рапсам і кукурузай, што на 310 тыс. т больш, чым у гэтую ж дату мінулага года», — расказалі ў прэс-службе.

У разрэзе абласцей сабрана: у Мінскай — 2399 тыс. т, Брэсцкай — 1909 тыс. т, Гродзенскай — 1890 тыс. т, Магілёўскай — 1299 тыс. т, Гомельскай — 1174 тыс. т, Віцебскай — 1034 тыс. т.

Збожжавыя і зернебабовыя культуры з кукурузай убраны з 90 % плошчаў, што складае 2088 тыс. га. Сярэдняя ўраджайнасць збожжа (з кукурузай) вышэйшая за леташнюю на 4,9 ц/га. Харчовага збожжа пастаўлена ў лік дзяржзаказу 684 тыс. т — 98 % ад плана.

Нарыхтавана льнотрасты 179 тыс. т ураджайнасцю вышэйшай за леташнюю на 13 ц/га.

Кукуруза на сілас і зялёны корм убрана з 77 % плошчаў, што складае 780 тыс. га. Нарыхтавана сенажу 13 млн 743 тыс. т (99 % плана), сіласу — 16 млн 132 тыс. т (78 % плана), травяных кармоў — 8 млн 603 тыс. т кармавых адзінак (86 % плана).

Цукровыя буракі ўбраныя з 60 % плошчаў. Накапана 3 млн 245 тыс. т караняплодаў. Ураджайнасць вышэйшая за леташнюю на 38 ц/га.

Бульбы накапана 636 тыс. т. Усяго гародніны, вырашчанай у адкрытым грунце, сабрана 139 тыс. т. Засеяныя плошчы складаюць больш за 8 тыс. га, ужо ўбрана 75 %.

Паднята зябліва на плошчы 140 тыс. га, што складае амаль 10 % ад плана ў 1432 тыс. га.