У Беларусі ўведзена добраахвотнае страхаванне дадатковай накапляльнай пенсіі з фінансавай падтрымкай дзяржавы (праграма «тры плюс тры»). «Грамадзянін выбірае зручны тарыф накапляльнага ўзносу — ад 1% да 10% ад заработнай платы. Дзяржава суфінансуе ўзнос у памеры да 3%. Напрыклад, калі грамадзянін пералічае 3% заработнай платы, дзяржава дадае яшчэ 3%, фактычна падвойваючы ўзнос. Пасля гэтага накопленыя сродкі інвесціруюцца ў дзяржаўныя банкі з гарантаванай даходнасцю не ніжэйшай за стаўку рэфінансавання. Калі грошы ўдаецца размясціць на больш выгадных умовах, на рахункі застрахаваных дадаткова налічваецца страхавы бонус. Выплаты пачынаюцца пасля дасягнення агульнаўстаноўленага пенсійнага ўзросту і праводзяцца роўнымі часткамі на працягу пяці або дзесяці гадоў. Гэта добрая прыбаўка да дзяржаўнай пенсіі», — расказаў ён.

Акрамя таго, гэта пенсія атрымліваецца ў спадчыну. Калі застрахаваны памірае да дасягнення пенсійнага ўзросту, яго наследнікі атрымліваюць накопленыя сродкі. Пры ўстанаўленні інваліднасці I або II групы застрахаваны таксама можа атрымаць накопленую суму аднаразова.

Дадатковую пенсію атрымліваюць 516 чалавек, ужо выплачана больш за 300 тыс. рублёў. Самая высокая выплата складае больш за 900 рублёў у месяц, сярэдняя — каля 160 рублёў. «Чым раней чалавек пачынае ўдзельнічаць у праграме, тым больш ён зможа назапасіць да пенсійнага ўзросту», — падкрэсліў эксперт.

Удзельнікамі праграмы сталі ўжо больш за 90 тыс. чалавек. Самым папулярным застаецца тарыф «3+3»: па ім заключана каля 63% дагавораў. У асноўным праграму выбіраюць грамадзяне, якім да пенсіі засталося каля дзесяці гадоў або менш. Маладыя людзі пакуль удзельнічаюць у ёй менш актыўна. Жанчыны складаюць 71% удзельнікаў праграмы. Большасць страхавальнікаў — 95% — выбіраюць выплаты на працягу пяці гадоў. Толькі 5% удзельнікаў лічаць за лепшае атрымліваць накопленую суму на працягу дзесяці гадоў.