Спецыялісты хуткай медыцынскай дапамогі сёння дзяжураць у абласцях краіны і Мінску. Медыцынскі пост арганізаваны каля кожнай палонкі — спецыялісты гатовыя аказаць дапамогу ў выпадку рэзкага пагаршэння самаадчування.

Пры гэтым у Міністэрстве аховы здароўя падкрэслілі, што апусканне ў ледзяную ваду — гэта стрэс, таму медыкі настойліва рэкамендуюць ацаніць стан здароўя. Супрацьпаказаннямі будуць хранічныя захворванні сардэчна-сасудзістай сістэмы, хваробы СКТ і мочапалавой сферы, вострыя запаленчыя працэсы. Людзям з груп асаблівай рызыкі — дзецям, цяжарным жанчынам і пажылым — лепш абмежавацца ўмываннем і наведваннем богаслужэння.

У Міністэрстве аховы здароўя звярнулі ўвагу, што недапушчальна ўжываць які-небудзь алкаголь. Ён стварае ілюзію цяпла і паскарае пераахаладжэнне.

Таксама звяртаецца ўвага, што перад уваходам у ваду рэкамендуецца зрабіць размінку, а пасля выхаду — расцёрціся ручніком і выпіць гарбату.