У гасцявым паядынку 14-га тура брэстчане перамаглі аўтсайдэра турніру наваполацкі «Нафтан» з лікам 4:2. Галявы дубль у складзе дынамаўцаў аформіў Уладзіслаў Ложкін.

Напярэдадні лідар першынства мінскае «Дынама» абгуляла футбалістаў «Мінска» з лікам 3:0. Барысаўскі БАТЭ саступіў на сваёй арэне гасцям з «Гомеля» з вынікам 0:1. Раней, у першым паядынку 14-га тура, дзеючы чэмпіён краіны «МЛ Віцебск» перамог у Мазыры мясцовую «Славію» з лікам 4:2.

Дзве сустрэчы адбудуцца 4 ліпеня: «Віцебск» — «Днепр» (Магілёў), «Нёман» (Гродна) — «Арсенал» (Дзяржынск). Заключныя паядынкі гэтага тура пройдуць 5 ліпеня: «Белшына» (Бабруйск) — «Баранавічы», «Тарпеда-БелАЗ» (Жодзіна) — «Іслач» (Мінскі раён).

Становішча ў лідзіруючай групе цяпер такое: «Дынама» (Мінск) — 33 ачкі (14 матчаў), «МЛ Віцебск» — 31 (14), «Іслач» — 25 (13), «Гомель» — 25 (14), «Тарпеда-БелАЗ» — 23 (13), «Дынама» (Брэст) — 21 (14). У канцы турнірнай табліцы знаходзіцца «Нафтан», у якога 6 ачкоў, на тры балы больш у БАТЭ, 10 ачкоў у актыве «Белшыны». 

Спіс лепшых бамбардзіраў узначальвае нападнік «Гомеля» Цімафей Сіманенка, які забіў восем мячоў.