Брытанскае Агенцтва перспектыўных даследаванняў і вынаходстваў вылучыла каля $13,4 млн на правядзенне даследаванняў. Эксперты ацэняць перспектывы наватарскага метаду барацьбы з глабальным пацяпленнем.

Даследаванне правядуць на востраве Вікторыя (Канадскі Арктычны архіпелаг) на працягу трох зім. Плануецца стварэнне камп’ютарных мадэлей, лабараторныя эксперыменты і палявыя даследаванні. Таксама вучоныя ацэняць, ці не прывядуць запланаваныя дзеянні да доўгатэрміновых негатыўных наступстваў для Арктыкі.

Папярэднія эксперыменты паказалі, што бурэнне свідравін прыводзіць да ўтварэння дадатковага пласта лёду. Марская вада, пападаючы на паверхню, пачынае хутка застываць. Вучоныя прадставілі канцэпцыю, у рамках якой 500 тысяч робатаў будуць свідраваць лёд і перакідаць ваду на паверхню.

Пацяпленне ў Арктыцы працякае ў чатыры разы хутчэй, чым у сярэднім па свеце. Разбурэнне марскога лёду паскарае гэты працэс — белы марскі лёд, які адбівае сонечныя прамяні назад у космас, змяняецца адкрытай вадой, якая паглынае цяпло. Раставанне лёду таксама ставіць па пагрозу шматлікія віды палярных насельнікаў.

Фота з адкрытых крыніц