Адпаведнае рашэнне прынята камісіяй па цэнавай палітыцы холдынга. Цана на гэту марку цэменту будзе зніжана на 5 працэнтаў. Новыя ўмовы будуць дзейнічаць пры пастаўках на ўнутраны рынак для ўзвядзення, рэканструкцыі, капітальнага і бягучага рамонту рэспубліканскіх і мясцовых аўтамабільных дарог, а таксама пуцеправодаў і маставых збудаванняў. Скідка прадастаўляецца на ўмовах пастаўкі з завода-вытворцы.

Як адзначылі ў кіруючай кампаніі холдынга «БЦК», рашэнне прынята ў рамках рэалізацыі дзяржаўнай праграмы «Дарогі Беларусі» на 2026-2030 гады, зацверджанай пастановай Савета Міністраў ад 29 снежня 2025 года нумар 776. Праграма накіравана на далейшае развіццё сеткі аўтамабільных дарог агульнага карыстання, павышэнне транспартнай даступнасці рэгіёнаў, стварэнне ўмоў для развіцця эканомікі і сацыяльнай сферы, а таксама інтэграцыю беларускіх магістралей у еўразійскую транспартную сістэму.

Зніжэнне кошту спецыялізаванага цэменту дасць магчымасць скараціць затраты арганізацый, якія ўдзельнічаюць у рэалізацыі дзяржаўных інфраструктурных праектаў, у тым ліку прадпрыемстваў транспартнай і дарожнай галін, жыллёва-камунальнай гаспадаркі і будаўнічага комплексу.

У БЦК падкрэслілі, што прынятае рашэнне будзе садзейнічаць больш эфектыўнаму выкарыстанню бюджэтных сродкаў, якія накіроўваюцца на выкананне мерапрыемстваў дзяржпраграмы, а таксама забеспячэнню дарожнага будаўніцтва неабходнымі аб’ёмамі якасных айчынных матэрыялаў.

Новыя цэны на цэмент маркі ЦЭМ I 42,5Н ДП будуць дзейнічаць ужо з 23 чэрвеня.