У новым навучальным годзе будуць функцыянаваць каля 2,6 тыс. школ, гімназій і ліцэяў. Да заняткаў прыступяць каля 1025 тыс. навучэнцаў. Разгледжаны пытанні будаўніцтва новых школ, бягучага і капітальнага рамонту існуючых, аснашчэння іх сучасным абсталяваннем. Таксама ў цэнтры ўвагі — прывядзенне ў парадак школьных харчблокаў, спартыўных аб’ектаў, стварэнне бяспечных умоў для навучання і выхавання дзяцей.

Наталля Пяткевіч падкрэсліла неабходнасць своечасовага і поўнага завяршэння ўсіх работ, падпісання пашпартоў гатоўнасці. «Акцэнтаваныя пытанні арганізацыі падвозу навучэнцаў. Усяго да новага навучальнага года плануецца цэнтралізавана за кошт сродкаў рэспубліканскага бюджэту закупіць 104 школьныя аўтобусы», — адзначылі ў прэс-службе. 

Увага нададзена арганізацыі гандлю школьнай прадукцыяй. Пастаўлена задача аб шырокім правядзенні школьных кірмашоў і базараў, у тым ліку ў сельскіх населеных пунктах, наяўнасці разнастайнага асартыменту і памернага раду якаснага адзення дзелавога стылю і абутку для навучэнцаў, а таксама прадастаўленні скідак, прымяненні мінімальных гандлёвых надбавак, правядзенні сумесна з вытворцамі розных акцый.

«На асаблівым кантролі — падрыхтоўка да школы дзяцей са шматдзетных і малазабяспечаных сем’яў, дзяцей, якія выхоўваюцца ў апякунскіх і прыёмных сем’ях, дзіцячых дамах сямейнага тыпу, а таксама дзяцей, прызнаных тымі, хто знаходзіцца ў сацыяльна небяспечным становішчы», — дадалі ў прэс-службе. 

Мерапрыемства аб’яднала шырокае кола ўдзельнікаў: кіраўніцтва Мінадукацыі, Міністэрства аховы здароўя, МНС, МУС, МАРГ, Мінпрацы і сацабароны, канцэрна «Беллегпрам», «Белкаапсаюза», намеснікаў старшыняў аблвыканкамаў, Мінгарвыканкама.