У любым пытанні заўсёды ёсць некалькі аспектаў, звярнуў увагу міністр інфармацыі. «І першы аспект, які нам трэба разумець, — нас правакуюць на пэўныя крокі. І будзе самай вялікай памылкай паддацца на правакацыю і зрабіць тыя крокі, на якія нас правакуюць», — лічыць Дзмітрый Жук.

«Другое. Безумоўна, платформа недружалюбная. Тое, што яны там робяць, не падлягае ніякаму абмеркаванню з пункту гледжання прававога і іншых аспектаў. Суцэльнае пірацтва», — падкрэсліў міністр. У той жа час, звярнуў увагу ён, беларускія СМІ навучыліся працаваць і ў існуючых умовах. «Мы трымаем аўдыторыю. Але самае важнае ў іншым. Мы павінны прымаць тое рашэнне, якое будзе выгадна нашай дзяржаве і ў той час, калі яно будзе неабходна для нашага грамадства, а не тады, калі нас на гэта вельмі ўжо моцна падштурхоўваюць. І тое, што мы будзем кантраляваць як суверэнная дзяржава інфармацыйнае асяроддзе на тэрыторыі нашай краіны, у мяне як міністра не выклікае ніякіх сумненняў, таму што ўсе інструменты ёсць», — дадаў Дзмітрый Жук.

Ён прывёў для разважання наконт забарон і выдаленняў наступны факт. «YouTube знёс канал спадара Трампа, нават адвакат высудзіў вялікія грошы за гэта. Трамп закрыў YouTube ў Амерыцы? Не», — звярнуў увагу міністр.