У стацыянарныя лагеры набылі кухоннае абсталяванне, спартыўны інвентар, музычную камп’ютарную тэхніку, мэблю, пасцельныя рэчы. У Год добраўпарадкавання прафсаюзы правялі працоўныя акцыі-суботнікі па дапамозе ў падрыхтоўцы лагераў да летняга сезона: фарбавальныя работы, прыборка тэрыторый, рамонтныя работы.

Палепшылі ўмовы спартыўных дзіцяча-юнацкіх школ прафсаюзаў. У структуры арганізацыі працуе 93 такія школы, у якіх штогод адпачываюць каля 14 тыс. дзяцей. «Юныя спартсмены Брэсцкай вобласці атрымалі ў падарунак комплексныя трэнажоры, у Віцебску адрамантавана і прыведзена ў адпаведнасць вяслярная база, у Гомельскай вобласці закуплены акадэмічныя лодкі. Гэты ўклад дазволіў на належным узроўні арганізаваць далейшыя трэніроўкі», — сказала Наталля Федарук.

Вялікая ўвага ўдзелена бяспецы. У 2025 годзе тэхнічная інспекцыя працы ФПБ правяла маніторынг у 120 аздараўленчых лагерах. Праверана спартыўнае, надворнае абсталяванне, памяшканні — ад спальняў і пакояў адпачынку да харчблокаў. Нададзена ўвага аснашчэнню лагераў сродкамі супрацьпажарнай абароны, медыцынскіх прэпаратаў. Па словах начальніка ўпраўлення, парушэнні былі выяўлены, але ў асноўным датычыліся стану дзіцячага надворнага абсталявання. Усе гэтыя маніторынгі праводзяць да пачатку летняга сезону і заезду дзяцей у лагер, каб можна было выявіць парушэнні і аператыўна іх ліквідаваць.

«З асноўных заўваг: парушаныя мацаванні надворнага абсталявання, выяўленыя ржавыя элементы або вострыя куты. Здаецца, што гэта ўсяго толькі горка або арэлі. Але мы разумеем, што такія парушэнні могуць прывесці да сур’ёзных наступстваў — траўмаў. У некаторых лагерах на пачатак летняга сезону не былі прынятыя меры па бесперабойнай падачы гарачага і халоднага водазабеспячэння. Тэхнічныя інспектары афармлялі рэкамендацыі ў адрас уласнікаў лагераў. Да моманту адкрыцця змены ўсе ўмовы былі выкананы, а парушэнні ліквідаваны. Маніторынгі праводзіліся не толькі на пачатковым перыядзе, але і на працягу ўсяго аздараўленчага перыяду», — адзначыла Наталля Федарук.

Фота Крысціны Аксёнавай