Адвакаты ўсіх тэрытарыяльных калегій адвакатаў Беларусі правядуць бясплатныя кансультацыі з нагоды Дня сям’і ў час рэспубліканскай акцыі «Даступнае права», паведаміла БелТА прэс-сакратар Беларускай рэспубліканскай калегіі адвакатаў Ірына Рэўт.
Кансультацыі пройдуць 15 мая для шматдзетных сем’яў і сем’яў, якія выхоўваюць дзяцей-інвалідаў.
У абласных тэрытарыяльных калегіях акцыя пройдзе ў першай палавіне дня. Адвакаты Мінскай гарадской калегіі правядуць бясплатныя кансультацыі для названай катэгорыі грамадзян ва ўсіх юрыдычных кансультацыях з 9.00 да 17.00.
У БРКА нагадалі, што акцыя праводзіцца ў форме вусных кансультацый па пытаннях, не звязаных з прадпрымальніцкай дзейнасцю і не патрабуючых азнаямлення з дакументамі.
Падрабязная інфармацыя аб правядзенні акцыі ў кожным рэгіёне будзе размяшчацца на сайтах тэрытарыяльных калегій адвакатаў.
