Адвакаты Беларусі 1 кастрычніка правядуць бясплатныя кансультацыі для малазабяспечаных грамадзян. Акцыя прымеркавана да Дня пажылых людзей, расказала прэс-сакратар Беларускай рэспубліканскай калегіі адвакатаў Ірына Рэут, паведамляе БелТА.
Бясплатныя кансультацыі пройдуць ва ўсіх рэгіёнах краіны. Адвакаты растлумачаць дзейнае заканадаўства ў галіне працоўнага, грамадзянскага, сямейнага і жыллёвага права.
Акцыя пройдзе ў форме вусных кансультацый па пытаннях, якія не звязаны з прадпрымальніцкай дзейнасцю і не патрабуюць азнаямлення з дакументамі.
Падрабязная інфармацыя аб правядзенні акцыі ў кожным рэгіёне будзе размешчана на сайтах тэрытарыяльных калегій адвакатаў.
