На думку дзяўчыны, Пасланне Прэзідэнта чарговы раз прагучала шчыра і надзённа. «Яно ўспрымаецца як размова аб галоўным, аб нашым жыцці і далейшым лёсе. Гэта не можа не кранаць і не хваляваць. Вельмі важна і прыемна, што ў найбліжэйшыя пяць гадоў асаблівая ўвага будзе ўдзелена падтрымцы сям’і, асабліва шматдзетнай. Гэта дае моладзі ўпэўненасць для стварэння сям’і і планаў на будучыню», — падкрэсліла яна.

Словы беларускага лідара першы сакратар Калінкавіцкага райкама БРСМ таксама расцаніла як прамы выклік і адначасова праяву даверу да новых пакаленняў, моладзі. «Краіна чакае ад нас сучасных ведаў, ініцыятывы і гатоўнасці быць гаспадарамі свайго лёсу. Усе нашы праекты — валанцёрскія, патрыятычныя, працоўныя — практычны адказ на гэты запыт», — адзначыла яна.

«Упэўненыя словы нашага Прэзідэнта аб месцы Беларусі ў свеце выклікаюць гонар. Пасланне дае выразны арыенцір, і мы поўныя рашучасці яго дасягнуць, будуючы будучыню тут, дома. У гэтым пераконвае і зацверджаная Праграма сацыяльна-эканамічнага развіцця Беларусі на 2026-2030 гады. Гэты дакумент не проста план, а стратэгічная дарожная карта, у якой дакладна абазначаны нацыянальныя прыярытэты і канкрэтныя мэты. Важна, што праграма была распрацавана і адобрана пры самым шырокім удзеле грамадскасці, што робіць яе па-сапраўднаму народнай», — рэзюмавала Валянціна Сымбацяну-Шаўчэнка.