Фестываль этнакультурных традыцый «Кліч Палесся» 15 жніўня гатовы сустракаць гасцей у аграгарадку Ляскавічы Петрыкаўскага раёна. Міхаіл Русы нагадаў, што знамянальная для рэгіёна рашэнне аб арганізацыі гэтага фестывалю было прынята непасрэдна на Палессі, каля моцнага векавога дуба. Кіраўнік дзяржавы даў дабро на зараджэнне новай традыцыі — фестывалю этнакультурных традыцый «Кліч Палесся». «Гэта рашэнне, якое ў свой час прыняў Прэзідэнт, — базавае для стварэння такіх цэнтраў прыцягнення. „Кліч Палесся“ — маштабны фестываль, і людзі чакаюць яго. Мы чакаем вельмі шмат гасцей», — падкрэсліў ён.

На думку Міхаіла Русага, такія фестывалі даюць велізарны эфект, прыцягваюць людзей да сельскага каларыту, выклікаюць цікавасць да народных вытокаў. «Бачым, што такіх фестываляў стала дастаткова шмат, і мы падтрымліваем іх. „Лунінецкія клубніцы“, абрадавае свята на Юр’еў дзень і іншыя», — пералічыў ён, адзначаючы іх значэнне як свайго роду рэкламу сельскага жыцця. Як носьбіт ганаровага звання «Ганаровы паляшук», ён упэўнены, што гараджане павінны абавязкова наведваць такія фестывалі, каб акунуцца ў палескі каларыт.

«Прэзідэнт нездарма столькі ўвагі акцэнтуе менавіта на вёсцы. Неаднаразова кіраўнік дзяржавы казаў, што трэба захаваць вёскі, таму што нашы вытокі і традыцыі менавіта тут, як і ўсе лепшыя рэцэпты ад нашых бабуль. І лепшыя сямейныя традыцыі з павагай і шанаваннем бацькі і маці, любові да дзяцей, добрасуседства і гасціннасці закладзены менавіта тут. Калі да палешука прыходзіць у дом госць, ён у першую чаргу пытаецца, ці не галодны чалавек, а ўжо потым — хто ён. Гэта вельмі важна зберагчы», — падкрэсліў Міхаіл Русы.