Старшыня Мінскага гарадскога Савета дэпутатаў Арцём Цуран заявіў, што ў Мінску занадта цёпла для ўключэння ацяплення. Па словах Цурана, сярэднесутачная тэмпература паветра ў Мінску не адпавядае нарматывам, неабходным для ўключэння ацяплення ў жылых дамах. Пра гэта паведамляе «Smartpress».
Нагадаем, ацяпленне ў кватэры даюць, калі сярэднесутачная тэмпература на працягу некалькіх дзён запар не перавышае +8 градусаў.
Акрамя таго, Цуран адзначыў, што ў перыяд цёплага надвор’я камунальныя службы ўжо пачалі планавыя прафілактычныя работы па падрыхтоўцы да наступнага ацяпляльнага сезона. Гэты працэс немагчыма адмяніць або прыпыніць.
У Мінску з-за халоднага надвор’я ўжо перанеслі тэрміны планавага адключэння гарачай вады. Новыя тэрміны адключэнняў будуць абвешчаныя пасля таго, як Мінгарвыканкам прыме рашэнне аб завяршэнні ацяпляльнага сезона для спажыўцоў сацыяльнай сферы. У Мінску ацяпленне ў аб’ектах сацыяльнай сферы (школах, бальніцах, дзіцячых садках) было адключана з 17 красавіка, а 8 мая падача цяпла ў гэтыя ўстановы была адноўлена.
Нагадаем, што планавае адключэнне гарачай вады ў Мінску было запланавана на 14 мая. Нарматыўны тэрмін адключэнняў складае 13 сутак.
