На месцы здарэння працавалі следчыя, міліцыя і эксперты.

Падчас следства ўстаноўлена, што маладыя бацькі выпусцілі з рук дзіця на падлогу днём 17 красавіка. Гэта здарылася па неасцярожнасці падчас кармлення ддзяўчынкі. Дзіця знаходзілася на штучным выкормліванні. Маці ўзяла дачку з ложка і села на канапу, каб пакарміць яе сумессю з бутэлькі. Побач знаходзіўся яе муж, які таксама хацеў пакарміць дачку. Падчас спрэчкі яны сталі цягнуць дзіця ў розныя бакі і адначасова адпусцілі з рук. Дзяўчынка скацілася па краі канапы і ўпала на падлогу. Нягледзячы на падзенне, бацькі не звярнуліся па дапамогу да ўрачоў.

20 красавіка да пляменніка з гасцінцамі зайшоў дзядзька з малалетняй дачкой, якія пражывалі непадалёк. Ён дапамог маладому мужчыну разабрацца з бытавым пытаннем. Пасля чаго яны выпівалі, пры гэтым бацькі па чарзе заходзілі ў дом, каб дагледзець дзіця, якое спало.

Калі ў чарговы раз бацька ўвайшоў у пакой, дзе знаходзілася дзяўчынка, ён убачыў, што дзіця не дыхае. Разам з жонкай яны спрабавалі прывесці дзіця ў прытомнасць, выносілі на свежае паветра і рабілі штучнае дыханне, але гэта не дапамагло. Урачы канстатавалі яе смерць.

На першых допытах маці дзяўчынкі казала, што падзенне дзіцяці адбылося з рук мужа.

Па выніках псіхолага-псіхіятрычных экспертыз, маладыя бацькі прызнаны разумнымі і здольнымі ўсведамляць фактычны характар і грамадскую небяспеку сваіх дзеянняў.

Суседзі зазначаюць, што маладыя бацькі перыядычна ўжывалі спіртное.

Cудом Асіповіцкага раёна кожнаму з маладых бацькоў прызначана пакаранне ў выглядзе 2 гадоў абмежавання волі з накіраваннем у папраўчыя ўстановы адкрытага тыпу. Прыгавор у законную сілу не ўступіў.

Фота: СК