Кацярына Станкевіч адзначыла, што стварэнне адзінага рэестра перавозчыкаў стварыла перашкоду для ўваходжання на рынак тых перавозчыкаў, якія не маглі гарантаваць бяспеку перавозак. Яна таксама расказала аб некаторых нюансах цэнаўтварэння на перавозках таксі. «У гадзіны пік узрастае колькасць запытаў на прадастаўленне транспарту. Безумоўна, праграмнае забеспячэнне (агрэгатара, або дыспетчара аўтамабільных перавозак. — Заўв. БЕЛТА) здольна рэгуляваць тарыфы зыходзячы з самага галоўнага — попыту і прапановы. У іншы час, калі запытаў менш, тарыфы іншыя. Аднак яны павінны пакрываць такія складальнікі, як бяспека транспартнага сродку, другое — адпачылы вадзіцель з дастойнай заработнай платай і трэцяе — абавязацельствы перад дзяржавай, якая стварае інфраструктуру», — растлумачыла яна.

Па даных Міністэрства транспарту і камунікацый, толькі ў 2025 годзе ў Беларусі было здзейснена каля 116 млн паездак на таксі.