У склад нашай каманды ўвайшлі па двое мужчын і жанчын. Першым з беларусаў на татамі 4 кастрычніка выйдзе Арцём Коласаў, яго сапернікам у катэгорыі да 60 кг стане Дзільшот Халматаў з Украіны. У сераду на турніры стартуе Яна Макрэцкая (да 63 кг), па выніках жараб’ёўкі Яна прапусціць першы круг і ў другім раўндзе будзе чакаць пераможцу пары Сая Мідлтан (Аўстралія) — Жаана Крызостаму (Партугалія).

8 кастрычніка на чэмпіянаце свету выступіць пераможца этапаў Вялікага шлема і сусветнага Гран-пры Ягор Варапаеў (да 90 кг), процістаяць яму будзе прызёр Алімпійскіх гульняў Тэадарос Цэлідзіс з Грэцыі. У наступную суботу рысу пад беларускім удзелам на ЧС падвядзе Славяна Рылкевіч (да 78 кг), якая сустрэнецца з кітаянкай Ма Чжэньчжаа.

Усяго галоўны старт сезона сабраў у Баку больш за 600 дзюдаістаў з 93 краін. Планетарны форум-2026 стане першым буйным турнірам новага алімпійскага цыкла з налічэннем рэйтынгавых ачкоў для адбору на Гульні-2028 у Лос-Анджэлесе.