Дагавор падпісваюць абодва бакі. У ім павінны быць пазначаны месца працы, абавязкі і правы бакоў, рэжым працы і адпачынку, памер заробку. Працоўны дагавор рэгулюецца Працоўным кодэксам у адрозненне ад грамадзянска-прававога, які рэгламентуецца Грамадзянскім кодэксам і ўказам № 314.

Калі з неаформленым падлеткам адбудзецца няшчасны выпадак, працадаўцу прыйдзецца даказваць, што яны знаходзіліся ў працоўных адносінах. Дагавор неабходна заключаць і пры ўладкаванні ў студатрады, і пры самастойным працаўладкаванні.

Пры парушэнні правоў можна звярнуцца на інфалінію Мінпрацы і Дэпартамента дзяржінспекцыі працы. Таксама працуе Telegram-бот @pszbyBot для экстраных паведамленняў — праз яго можна аператыўна паведаміць пра нявыплату заробку.