Вучоны з Усерасійскага навукова-даследчага інстытута фізіка-тэхнічных і радыётэхнічных вымярэнняў Віталь Пальчыкаў паведаміў СМІ, што да 2028 года наша планета стане маладзейшай на адну секунду. Усё з-за анамальных паводзін нашай планеты.

Па словах эксперта, хуткасць кручэння Зямлі павялічваецца. За апошнія гады планета разагналася да рэкордных паказчыкаў. Гэта прывяло, напрыклад, да таго, што 5 ліпеня 2024 г. стаў самым кароткім днём у гісторыі.

Паскарэнне Зямлі прывядзе да таго, што час не будзе адпавядаць нашаму становішчу ў космасе. Вучоныя заявілі, што кампенсаваць упушчаны час давядзецца ў 2028 годзе. Тады па ўсім свеце з гадзінніка аднімуць адну секунду. 

Прычыны паскарэння

Цяпер дакладнага адказу няма, але ёсць дзве гіпотэзы. Першая гаворыць аб тым, што паскарэнне Зямлі звязана са зменамі ў паводзінах ядра нашай планеты.

Іншыя мяркуюць, што паскарэнне звязана з анамальнай колькасцю выпадзення ападкаў. У той час, калі адбываецца выпарэнне ападкаў, Зямля запавольваецца. Абедзве гіпотэзы пакуль не даказаны. Да цяперашняга паскарэння Зямля, наадварот, запавольвалася. Для карэкцыі часу з 1970-х гадоў вучоныя ўводзілі дадатковыя 37 секунд.

Што будзе далей

Падагульнім: да 2028 года Зямля паскорыцца так, што давядзецца аднімаць адну секунду. Далейшыя паводзіны планеты навукоўцы прадказаць не могуць. Магчыма, яна зноў запаволіцца ці разгоніцца да новых значэнняў. Для кагосьці адна секунда здасца дробяззю, але такія змены могуць паўплываць на ўвесь свет: ад работы спадарожнікаў і сістэм GPS да таргоў каштоўнымі паперамі.