Да 26 градусаў цяпла і паўднёвы з пераходам на паўночна-заходні ўмераны вецер прагназуюцца 4 ліпеня ў Беларусі, паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Месцамі невялікія кароткачасовыя дажджы, у асобных раёнах магчымыя навальніцы. Вецер паўднёвы з пераходам на паўночна-заходні ўмераны, ноччу месцамі парывісты.
Тэмпература мінімальная ноччу 12-18 градусаў цяпла, максімальная днём 20-26 градусаў цяпла.
