Да 28 градусаў, месцамі дажджы і туманы прагназуюцца ў Беларусі 13 ліпеня. Аб гэтым БелТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Уначы і раніцай па крайнім паўночным усходзе краіны, днём па заходняй палове ў асобных раёнах пройдуць кароткачасовыя дажджы, навальніцы. Уначы і раніцай месцамі можа быць туман. Вецер няўстойлівы, ноччу слабы, днём 3-8 м/с, пры навальніцах парывы да 14 м/с.
Тэмпература паветра мінімальная ноччу складзе 9-15, па ўсходзе — да 18, максімальная днём — 23-28 градусаў.
