У 2026 годзе ў Мінскай вобласці прадаўжаецца фарміраванне медыцынскіх студэнцкіх атрадаў для работы ва ўстановах аховы здароўя. Заключаны дагаворы на стварэнне двух медыцынскіх атрадаў па дзесяць чалавек і сэрвіснага атрада з пяці чалавек на базе Маладзечанскай ЦРБ з ліку паўналетніх навучэнцаў Маладзечанскага медыцынскага каледжа, якія будуць выконваць абавязкі малодшых медыцынскіх супрацоўнікаў.

Слуцкая ЦРБ у 2026 годзе плануе прыняць восем чалавек для выканання работ па правядзенні бягучай і генеральнай прыборкі, а таксама непасрэдным абслугоўванні пацыентаў у якасці санітараў.

«У бягучым годзе прапрацоўваецца пытанне фарміравання зводнага медыцынскага атрада на базе Мінскай абласной клінічнай бальніцы», — адзначылі ў камітэце.

Вопыт 2025 года прадэманстраваў эфектыўнасць такой формы занятасці, калі ў Мінскай вобласці функцыянавала пяць медыцынскіх атрадаў, у тым ліку выязны атрад на базе Наваполацкай ЦРБ.

У гэтым годзе да медыцынскіх студэнцкіх атрадаў Мінскай вобласці могуць далучыцца не толькі навучэнцы рэгіянальных устаноў адукацыі, але і студэнты з іншых абласцей Рэспублікі Беларусь. 

«Такая практыка ўжо зарэкамендавала сябе: выязныя атрады паспяхова працуюць у розных рэгіёнах, а ўдзел студэнтаў з іншых абласцей дае магчымасць пашырыць кадравы патэнцыял і ўзмацняць практычную накіраванасць праекта. Для атрымання кансультацыі і падачы заяўкі на ўдзел студэнты могуць звяртацца ў тэрытарыяльныя штабы студэнцкіх атрадаў Мінскай вобласці, дзе ім дадуць усю неабходную інфармацыю і дапамогуць выбраць прыдатны напрамак», — адзначылі ў камітэце.